Pinerluttuliorsimanernut aalajangiinerit

Pinerluttuliorsimanernut aalajangiinerit pillugit kisitsisitigut paasissutissat 2008-mit 2017-imut suliarineqarput, taassuma siuliani aalajangiinermut nalunaarutiginninnerit nalunaarsuutini ilaanngimmata. Saqqummersitami uani 2013-mit 2017-imut aalajangiinerit suliarineqarput Kisitsisaataasivimmi piffissat allat takuneqarsinnaallutik.

 

Unnerluussinerit pinerluttuliorsimanermut aalajangiinermik kinguneqartut, pisimasullu aalajangerneri amerlassusaat assigiinngillat. Pinerluttuliorsimanermut aalajangiinerit amerlassusaat unnerluussinernit amerlanerussapput, inuit arlallit peqatigiiffinni inatsisinik unioqqutitsisimasutut ataatsimut unnerluunneqarsinnaammata, aalajangiinermilu ataatsip iluani pisimasut arlaliusinnaallutik.

 

2017-imi, ilaatigullu aamma 2016-imi, pinerluttuliorsimanernut aalajangiinerit kisitsisitigut paasissutissaat aalajangiisoqarnissaanut piffissap sivisusinnaaneranit taamatullu Naatsorsueqqissaartarfiup qitiusumik nalunaarsuisarfiani nalunaarsorsimalernissap sivisusinnaaneranik sunnerneqarsinnaapput. Taamaattumik kisitsisit pineqartut naatsorsuutigisamit appasinnerusinnaapput, kisitsisaagallartutullu paasineqassallutik.

 

Imaappoq aalajangiinerit inuit amerlassusaannik paasissutissiinerupput aalajangiineq imminnermini ataaseq unnerluussinermit eqqartuussinermilu suliamit pituttugaanani. Aalajangiinerlu inummut pineqartumut ataatsimut taamaallaat pigitinneqarluni. Unnerluussinerit naammassisat amerlassusaat ukiumut unnerluussiviusumut atassuteqanngillat, taamaattumillu unnerluussinerit amerlassusaat aammalu unnerluussinerit naammassisat ukiuni pineqartuni imminnut aamma atassuteqaratik. Ataani tabelimi takutinneqarput ukiuni pineqartuni unnerluussinerit naammassisat amerlassusaat.

 

Tabeli 8. 2013-imiit 2017-imut unnerluussinerit aalajangiinermik kingunillit amerlassusaat inatsisip suussusaanut agguaallugit

 

2013

2014

2015

2016

2017

Katillugit ......................

4.228

3.977

3.487

3.121

2.097

Pinerluttulerinermi inatsit ...........

2.846

2.597

2.276

1.993

1.058

Aqqusinertigut angallannermut inatsit .

720

734

699

635

629

Inatsisit allat ....................

662

646

512

493

410

Najoqqutaq: Naatsorsueqqissaartarfik – kisitsisaataasivimmi kisitsisit takukkit http://bank.stat.gl/KRNAF